జనానికి మరో ఊరట
కొత్త నోట్ల కోసం ఇబ్బంది పడుతున్న ప్రజలకు మరో వెసలుబాటు కల్పించింది స్టేట్ బ్యాంక్ ఆఫ్ ఇండియా ( SBI ). ఇప్పటి వరకు బిగ్ బజార్లలో డెబిట్ కార్డ్ పై రూ.2వేలు వరకు తీసుకునే వెసలుబాటు ఇచ్చింది. ఇప్పుడు ఐనాక్స్ ధియేటర్లలోనూ ఇలాంటి అవకాశాన్ని కల్పించింది. ఒకటో తేదీ వస్తుండటం.. సిటీలో పూర్తి స్థాయిలో ATMలు పని చేయక ఇబ్బంది పడుతున్న జనానికి మరో ఊరట ఇది. ఐనాక్స్ ధియేటర్లలో డెబిట్ కార్డ్ ద్వారా రూ.2వేలు తీసుకోవచ్చు. ఏ బ్యాంక్ కార్డ్ అయినా పర్వాలేదని.. అన్ని డెబిట్ కార్డులకు ఇది వర్తిస్తుందని ప్రకటించింది SBI. ధియేటర్లలో డబ్బులు తీసుకున్న వారు.. అక్కడ సినిమా చూడాల్సిన నిబంధన ఏమీ లేదు.