భూగర్భ జలాలు పెరిగాయి

రాష్ట్రంలో భూగర్భ జలాలు పెరిగాయి. రెండేళ్లుగా ప్రతీ నెలా సాధారణ వర్షపాతం కన్నా తక్కువ వర్షాలు కురవగా… ఈ  సెప్టెంబర్ లో మాత్రం అనూహ్యంగా అదనపు వర్షపాతం కురిసింది. సెప్టెంబర్ లో సాధారణ వర్షపాతం 715 మిల్లీమీటర్లు కాగా..ప్రస్తుతం ఏకంగా 943 మిల్లీమీటర్ల వర్షపాతం నమోదైంది. 32 శాతం అధిక అధిక వర్షపాతం నమోదైనట్లు భూగర్భ జల విభాగం తెలిపింది. ఆదిలాబాద్, ఖమ్మం జిల్లాలో సాధారణ వర్షపాతం నమోదు కాగా.. మిగిలిన జిల్లాల్లో అధిక వర్షపాతం నమోదైంది. అధికంగా హైదరాబాద్ లో 60 శాతం, రంగారెడ్డిలో 48, మెదక్ 43, నిజామాబాద్ లో 42, నల్లగొండలో 37, వరంగల్  లో 33, మహబూబ్ నగర్ లో 24, కరీంనగర్ లో 21 శాతం అధికంగా వర్షాలు కురిశాయి.ఈ వర్షాల కారణంగా రాష్ట్రంలో గణనీయంగా భూగర్భ జలాలు పెరిగాయి. ఈ ఏడాది మే నెలతో పోలిస్తే సగటున 6.64 మీటర్ల మేర వృద్ధి ఉన్నట్లు నివేదిక తెలిపింది.  ఆగస్టుతో పోలిస్తే 3.49 మీటర్లు.గతేడాదితో పోలిస్తే 2.76 మీటర్ల వరకు భూగర్భ మట్టాలు పెరిగాయి. రాష్ట్రంలో 65 మండలాల్లో 2 మీటర్లలోనే భూగర్భ జలాలుండగా..70 మండలాల్లో 2 నుంచి 5 మీటర్లలో నీటి లభ్యత ఉంది. 95 మండలాల్లో 5 నుంచి10 మీటర్ల లోపు …113 మండలాల్లో 10 నుంచి 20 మీటర్లలోపు నీటి లభ్యత ఉంది. ఇక 56 మండలాల్లో 20 మీటర్ల కింద జలాలున్నాయి.