ఏం రొనాల్డ్‌... ఇంకా వెళ్లలేదా..?: కేసీఆర్

‘‘ఏం రొనాల్డ్‌.. ఇంకా వెళ్లలేదా? రేపు పొద్దున్నే జిల్లా కార్యాలయాలను ప్రారంభించాలి కదా! ఎప్పుడు వెళ్తావ్‌!?’’ అని మెదక్‌ కలెక్టర్‌ రొనాల్డ్‌ రోస్‌ను సీఎం కేసీఆర్‌ ప్రశ్నించారు. మర్కుక్‌లో మండల కేంద్రం ప్రారంభోత్సవానికి వచ్చిన సీఎంను మర్యాదపూర్వకంగా కలుసుకోవడానికి రొనాల్డ్‌ వచ్చారు. ఆయనను చూసి సీఎం ఆశ్చర్యం వ్యక్తం చేశారు. ‘‘ఏం రొనాల్డ్‌, ఇంకా వెళ్లలేదా’’ అంటూ సీఎం ప్రశ్నించడంతో ఇంకా ఆర్డర్‌ రాలేదని ఆయన జవాబిచ్చారు. దాంతో, ‘‘రేపు ఉదయమే కలెక్టరేట్‌ ప్రారంభించాలి కదా! మహబూబ్‌నగర్‌ ఎప్పుడు వెళ్తావ్‌?’’ అని ప్రశ్నించడంతో ఇద్దరి మధ్య నవ్వులు విరిశాయి. ఆ వెంటనే, సీఎం కేసీఆర్‌ సీఎస్‌ రాజీవ్‌ శర్మకు ఫోన్‌ చేసి, కలెక్టర్లు, ఎస్పీలు వెంటనే ఆయా జిల్లాలకు వెళ్లేలా ఆదేశాలు జారీ చేయాలని సూచించారు.