రజనీ అభిమానులకు పండగే..

తన అభిమానులకు హీరోయిన్ అమీజాక్సన్ శుభవార్త అందించింది. సూపర్ స్టార్ రజనీకాంత్, ప్రముఖ హీరోయిన్ అమీజాక్సన్ జంటగా డైరెక్టర్ శంకర్‌ రోబో ‘2.0’ మూవీని తీస్తున్నారు. ఈ సినిమా షూటింగ్‌ కార్యక్రమాలు దాదాపు పూర్తయ్యాయని హీరోయిన్ అమీజాక్సన్‌ ట్వీట్ చేసింది. రజనీతో కలిసి దిగిన ఫొటోను ట్వీట్ చేశారు. అమీజాక్సన్, రజనీకాంత్ మెడలో పూలమాలలు వేసుకొని దిగిన ఫోటోను అభిమానుల కోసం ట్వీట్ చేశారు. నవంబరు 20న ఈ మూవీ ఫస్ట్‌లుక్‌ను విడుదల కానుంది. సంక్రాంతికి టీజర్‌ను విడుదల చేసేందుకు ప్లాన్ చేస్తున్నారు. బాలీవుడ్‌ హీరో అక్షయ్‌కుమార్‌ ఈ సినిమాలో ప్రతినాయకుడి పాత్రలో నటిస్తున్నట్లు డైరెక్టర్ తెలిపాడు.